FINALERATAKO SAILKAPENAK ETA AGURRA
·
Gizonezkoen lehen taldeak denboraldiko azken partida jokatu du etxean eta, ondorioz, Ispilla eta zaleak agurtu ditu Julen Cabrerak. Norgehiagokaren amaieran omenaldi xume baina sentitua jaso du bere taldekide eta Klubeko zaleen aldetik, eta Hernaniko jokalariak ere batu zaizkie.
Euskal esaera batek “izan zirelako gara, garelako izango dira” dio eta Julenek, gure kapitainetako batek, aurrekoen oinordeko duina eta jokalari gazteenentzako eredu izan da. UROLA EKren balioak eta familia handi bateko kide izatearen sentimendua transmititzen jakin du. Eskerrik asko Julen, eta zorte on etorkizunean. Seguru Ispillan ikusiko dugula elkar.
Kirol arloari dagokionez, gure bost taldek euren kopako finalerdiak jokatu dituzte eta hiruk finalerako txartela lortu dute.
UROLA EK LAZTIMENDIko Senior Mutilek Hernani garaitu dute Ispillan eta Itzurun Kopako finala jokatuko dute Elgoibarrekin.
UROLA EK ANTONIO ARANZADIko jubenil mutilek, Malkorbe Kopako finala jokatuko dute Saiekorekin.
Eta UROLA EK EUTSI taldeko neska kadeteek Itzurun Kopako finalerako sailkapena lortu dute Zarautzen, eta Aloña Mendiko neskak dituzte zain.
UROLA EK CONSTRUCCIONES ANTIO (SF) eta UROLA EK RSA (CM) taldeek finalerdi duinakak jokatu dituzte, baina ez dute finalera sailkatzeko balio izan.
Zorionak guztioi !!!
Jakinaraziko dizuegu non eta noiz jokatuko diren finalak.
Azkenik, Alebin Mistoko neska-mutilek garaipen batekin amaitu dute euren liga. Garaipen edo porrotetatik harago, espero dugu pista osoan jokatu duten lehen urtea ilusioz betea izatea eta eurengan eskubaloiaren harra sartu izana. Bejondeiela beraiei ere !!!
